Na hopi komersiante ku nos ta duna training di maneho di kliente (Relationship Management) i benta (Sales), nos ta puntra kon e empleadonan ta hasiendo usa di WhatsApp ku kliente. E sorpresa: 9 for di kada 10 kompania no ta usa WhatsApp den komunikashon ku kliente. Esaki ta un fayo hopi grandi.

Relationship Management = Sales

For di komienso di 2016, un investigashon hasí pa Deloitte i Financial Times, ta indiká ku personanan ta preferá di usa WhatsApp mas ku hasi yamada.

For di 2015, e estilo nobo aki a wòrdu notá na un analisis di Chicago Tribune na Merka, i meskos ku tur desaroyo den téknika i media, esaki entretantu a bira meskos serka nos na Kòrsou.

Hecho ta, ku mayoria persona ku tin un asina yamá smartphone, ta preferá di komuniká ku WhatsApp en bes di hasi yamada.

Dikon e ora ei, nos negoshantenan i ehekutivonan lokal, no ta komunikando ku kliente riba e plataforma preferí?

For di entrevistanan ku nos a kondusí, ta mustra ku kabesantenan di departamentu, i doñonan di trabou, tin miedu ku produktividat ta baha ora ku duna empleadonan akseso na uso di WhatsApp durante ora di trabou.

Esaki ta un mentalidat robes, shonnan.

Djis kòrda e temporada ku a prohibí uso di Facebook den negoshi. Awe mayoria kòmbersashon di benta i ku kliente ta pasa via di Facebook Message na e página di e kompania.

Imaginá si bo tin akseso pa kontakto ku bo kliente via WhatsApp, i den algun mensahe kòrtiku por invit’é pasa na boso ofisina, òf pasa wak e ultimo kolekshon, òf pasa hasi un “test drive.”

Komersiantenan ta pèrdè hopi benta pa e simpel hecho ku no tin kontakto dirèkt ku kliente, i no tin kontakto despues ku un kliente bishitá negoshi òf reakshoná riba un propaganda.

Saka lo máksimo for di bo presupuesto di propaganda. Dediká empleadonan na e tarea di “Follow up” ku kliente, espesialmente via WhatsApp.

Pero, nota importante! Manera tur kos, uso di e plataforma di WhatsApp aki den negoshi tin su struktura. Tin strategia ku mester wòrdu apliká, pa esaki keda hasí riba un manera konsistente i profeshonal. Tin reglanan pa ku uso di esaki serka empleadonan. Tin planifikashon i "software" ku ta enbolbí, pa protehá e nivel di produktividat. Nos lo ta kontentu di yudabu ku esaki, i mustrabu e diferensha den bo sifranan di benta.

Pa mas informashon:

Kon pa hasi uso optimal di WhatsApp sin kai den pèrtá ku tempu, i sin rísiko di baha produktividat.
Kon pa subi benta hasiendo uso di WhatsApp.

Tuma kontakto ku nos libremente na branding@shannysommer.com pa nos opshonnan di training tokante esaki.