Den komienso di 2016, nos ekipo a keda kontratá pa e kampaña #LIKEAGIRL, un inisiativa di e marka Always. Na momentu ku nos a kuminsá traha riba esaki, huntu ku e tremendo ekipo di Curaçao Foods Trade, nos a pensa riba un kampaña manera nos a kustumbrá, hasiendo nos máksimo esfuerso pa e metanan stipulá di publisidat. Lokual nos no tabata sa, ta kon personal e bunita mensahe tras di e kampaña aki lo tabata pa nos, i kon nos mes komo persona, lo a krese pa medio di e kampaña aki. Nos a konosé i sera amistat ku hopi hoben positivo, i pa nos sorpresa i orguyo, nos kampaña ta riba e lista di e mihónan ku a keda hasí den Karibe.

Akinan nos ta reflehá riba e strategia pa a logra esaki:

Mensahe: “Let’s change what it means to be Like A Girl”. Kambia e ekspreshon ku antes a keda usá pa indiká algu swak, i hasiele un nifikashon di un persona fuerte.

Kliente pa atraé:

Hoben mucha muhé, edat 13 pa 21.

Stap 1. Focusgroup:

Pa sa kon nos ta bai hasi e kampaña, nos mester a sa promé kiko e posibel klientenan ta pensa. Den komienso nos a start ku analisis, inkluyendo un grupo di enfoke i diferente enkuesta.

Stap 2: Social Media Launch:

E kampaña aki a haña su página di Facebook dediká, kaminda nos por a interkambiá ku e hobennan i duna un plataforma pa hobennan konosé e mensahe i motivá otro.

Stap 3: Free publicity

A base di aktividatnan pa organisashonnan di hoben, manera Bos di Hubentut id Padvinders, nos a risibí atenshon di prensa, kual nos a reforsá ku diferente komunikado tokante e kampaña.

Stap 4: Branding

A base di materialnan for di e marka Always, diferente Shirt, flyer i poster a kedá trahá. Esakinan a keda usá konsistente na tur evento, pa krese e kampaña.

Stap 5: Influencers

Nos a skohe diferente embahador hoben den e edat di e kampaña, inkluendo artistanan lokal, ku riba maneranan subtil, a siguí parti e mensahe di e kampaña. Tur influencer a bisti Tshirt di e kampaña den tur entrevista i evento.

Stap 6: Paid publicity

DIferente media ku hobennan ta sigui, a wòrdu skohe, kaminda nos a laga e embahadornan di e kampaña hasi entrevista i subi popularidat.

Stap 7: Instore promo

Nos a aktivá benta ku ofertanan spesial relatá na e kampaña, ku diferente evento di promo i benta na supermerkado i botikanan.

Stap 8: Major event

Pa sera e kampaña i trese hobennan huntu, nos a organisá un kompetensha di talento, ku e tema di e kampaña Like A Girl. E evento tabatin 13 partisipante i 422 hoben a presensiá esaki.

Resultado:

Subida di benta di mas ku 13%
3000 fanatiko nobo riba Facebook
12 embahador nobo di Always
422 hoben na na evento final
Kòrsou su kampaña skohé komo un di e mihonan riba lista di Procter and Gamble

Nos ta spera ku kompartiendo e strategia aki ku bo, e por duna’bo idea pa hasi bo siguiente kampaña ku éksito. Naturalmente, tras di kòrtina tin hopi paso mas pa tene kuenta kuné. Tambe kada kaso tin un otro budget. Si bo ke resultado pa bo siguiente kampaña, yama nos anytime. Nos tei pa ta yuda’bo ku e strategia pa bo empresa.