Djarason 9 di Ougùstus, Mark Zuckerberg a anunsiá ku Facebook TV a bira un realidat:
Facebook Watch ta un "tab" nobo riba Facebook ku ta pèrmití tur usuario wak televishon sin baha for di Facebook.
Na Kòrsou ainda empresanan no ta komprondé e urgensha di produsí mas video edukativo i promoshonal pa medianan sosial.
Nos tin e impreshon robes, ku kosnan modèrno no ta konta serka nos.
Un nota importante ta ku nos medianan tradishonal lo keda semper pilarnan fuerte den promoshon ku tur empresa tin mester.
Pero nos no por ignorá ku:
- 70% òf mas, di klientenan ku tur empresa ke atraé ta hasi uso di Facebook.
- For di e yegada di "smartphone", personanan ta pasa nan dia kompleto buskando informashon i hasiendo kompra riba internèt i media sosial.
- Desishon di kumpra ta wòrdu basá riba imahen ku un kompania ta duna ora ku un persona buska e kompania aki den su telefòn via internèt i media sosial.
Awor ku Facebook a integrá televishon, kiko esaki ta nifiká pa empresanan lokal?
- Bo por sinta wak kon e kompetensha ta probechá di esaki i pone mas kontenido di video edukativo i promoshonal, òf bo por sòru pa bo ta e promé.
- Bo empleadonan mester ta ainda mas aktivo den representashon di e imahen di e kompania i mester partisipá mas aktivo den su ròl riba e empresa su media sosial.
- Tin oportunidat nobo habrí pa traha un base grandi di posibel kliente ku ta bini i buska informashon riba media sosial.
- Hasi uso di e teknologia nobo pa forma un base di kliente mas amplio i traha bo mes kultura.
Serka nos na Shanny Sommer Branding, un area esensial ku nos ta kubri den nos training ta pa mustra empleadonan di servisio i benta, kon nan por representá e kompania mas mihó posibel den e desaroyonan aki.
Tambe nos tin e ekipo i e strategia ku ta duna empresanan e adelanto ku nan mester riba media sosial.
Nos lo ta kontentu pa mustra bo empresa kon abo por amplia benta i bo krese bo base di kliente ku e desaroyonan nobo aki. Tuma kontakto ku nos pa un sita na branding@shannysommer.com.
About the author:
Hi! I'm Shanny Sommer, lover of all things branding and the Managing Director here at Shanny Sommer Branding. Connect with me and the rest of the team here where we keep you updated on the latest trends in branding and advertising and give you a look behind the scenes in our world.